SMÁSKIPANÁM <15M

Fisktækniskóli Íslands vinnur að undirbúningi kennslu í Smáskipanámi - Skipstjórn <15m. Gert er ráð fyrir að næsta námskeið verði haldið á vorönn 2025. Upplýsingar um dagsetningar verða birtar á heimasíðunni um leið og þær liggja fyrir.

Fyrirkomulag kennslu

Fyrirkomulagið verður í formi dreifnáms. Nemendur mæti í staðnám í fjögur skipti, þrjá til fjóra daga í senn með hálfs mánaðar millibili. Heimaverkefni verða unnin á milli lotna. Á milli lotna geta nemendur verið í sambandi við kennara.

Innihald kennslu

Kennt verður samkvæmt nýrri námskrá og prófþættir verða 6 talsins:

  • Alþjóðasiglingareglur

  • Hönnun skipa og stöðugleiki

  • ROC-fjarskiptaréttindi

  • Grunnatriði í siglingafræði

  • Grunnþjálfun í siglingahermi (samlíki)

  • Viðhald og umhirða vélbúnaðar í skipum.

Einkunina 6.0 þarf til þess að standast hvern prófþátt. Aðrir námsþættir eru:

  • Fiskveiðar, aflameðferð og verkunaraðferðir-undirstöðuatriði

  • Skipverjar, réttindi og skyldur, lögskráning

  • Skráning, eftirlit, tryggingar og tjón á skipum

  • Varnir gegn mengun sjávar

  • Veður og sjólag við strandsiglingar

  • Alþjóðasiglingareglur- beiting skipa við erfiðar aðstæður

  • Breytingar á stöðugleika smáskipa, stöðugleikagögn

  • Siglingatæki – siglingatölvur og tengd tæki

Hægt er að skoða nánari lýsingar á einstökum námsþáttum á Námskrá Menntamálastofnunnar hér.

Inntökuskilyrði

Inntökuskilyrði miðast við að nemendur hafi lokið grunnskólaprófi og séu a.m.k. 16. ára þegar þeir hefja nám.

 Útgáfa atvinnuskírteinis

Til þess aða fá útgefið atvinnuskírteini að loknu <15m námi, þarf að leggja fram staðfestan siglingatíma í eitt ár (átta mánuði), vottorð um heilsufar (sjón) og að viðkomandi sé orðin 18 ára og hafi lokið námskeiði í öryggisfræðslu hjá Slysavarnarskóla sjómanna, eða öðrum viðurkenndum aðila (5 daga námskeið). Nánari upplýsingar um námið er að finna á heimasíðu Samgöngustofu, www.http/sigling.is.

Staðsetning: Fisktækniskólinn Sólheimum 5 Sandgerði

Nemendastundir: 360

Verð á námi: 335.000.-

Námið fer fram í Fisktækniskóla Íslands, sem gefur frekari upplýsingar um námið, netfang, fiskt@fiskt.is, s. 412-5966.

Staðsetning: Fisktækniskólinn Sólheimum 5 Sandgerði