SJÁVARAKADEMÍAN
Haftengd nýsköpun
Haftengd nýsköpun – Sjávarakademía þjálfar frumkvöðla á sviði haftengdrar nýsköpunar og hentar fólki sem hyggst stofna fyrirtæki innan bláa hagkerfisins eða er með viðskiptahugmynd sem það vill þróa. Áhersla er á leiðtogafærni, nýsköpun og markaðsmál.
Nemendastundir 650
Verð 21.000 kr
Hægt er að sækja um fræðslustyrki til stéttarfélaga
Námsbrautarlýsing og skipulag
Námið höfðar til ungs fólks á öllum aldri óháð kyni, sem hefur frumkvæði og vilja til að taka þátt í nýsköpun og uppbyggingu fyrirtækja innan hins fjölbreytta bláa hagkerfis.
Námið hefst 12. september og skiptist upp í fyrirlestra, verkefna- og teymisvinnu ásamt heimsóknum í nýsköpunarfyrirtæki og endar með útskrift 9.desember.
Kennsla fer fram í Húsi Sjávarklasans, Grandagarði 16, 101 Reykjavík.
Kennslulotur
Námið er kennt í staðarlotum með valmöguleika á að tengjast í gegnum forritið Teams í rauntíma.
Hver lota er 2-4 dagar.
Lota 1-2 Afurðir og vöruhönnun - Sjálfbærni og nýsköpun - Lokaverkefni
Lota 2-4 Rekstraráætlanagerð, verkefna- og gæðastjórnun - Sjálfbærni og nýsköpun - Lokaverkefni
Markaðs- og kynningarmál (Stafræn ferilmappa)
Lota 4-6 Umhverfismál og sjálfbærni - Sjálfbærni og nýsköpun - Lokaverkefni
Frekari upplýsingar um námið gefur asdis@fiskt.is
-
![]()
„Ég fann strax að frumkvöðlanámið í Sjávarakademíunni jók skilning minn á mikilvægi sjávarútvegsins og sjávarnytja fyrir íslenskt hagkerfi. Til þess að komast af urðu forfeður okkar og -mæður að hafa endurvinnslu og sjálfbærni að leiðarljósi í sínu daglega lífi. Sú hugmynd sem ég vann með í náminu í Sjávarakademíunni hefur beina skírskotun í handverk fólks á Íslandi fyrr á öldum,“
-Arna Lísa Traustadóttir
-
![]()
„Það var síðan einn góðan veðurdag að ég sá auglýsingu frá Sjávarakademíunni og við mér blasti námsheitið „frumkvöðlafræði“. Bara þetta orð kveikti í mér eins og skot, þetta var það sem mig langaði til þess að kynna mér því ég hef í gegnum tíðina fengið endalausar hugmyndir en aldrei vitað hvernig ég ætti að koma þeim áfram. Lýsingin á náminu í Sjávarakademíunni gerði það að verkum að ég hugsaði með mér að þetta væri nákvæmlega það sem ég væri að leita að; hvernig ætti að vinna með hugmyndir og í hvaða skrefum. Ég skráði mig því í námið og strax og ég kom inn fyrir þröskuld Sjávarakademíunnar út á Granda í fyrstu kennslustundina í september 2020 fann ég að þetta væri rétti staðurinn og ákvað strax að í þetta ætlaði ég að hella mér hundrað og fimmtíu prósent.”
Arnar Hjaltested
-
![]()
„Fyrst þegar ég kynnti mér námið í Sjávarakademínni fannst mér að það væri bara um sjávarútveg og því ekkert fyrir mig en við nánari skoðun komst ég að hinu gagnstæða, enda hef ég lengi verið í atvinnurekstri sem tengist sjónum. Ég kom að rekstri fiskbúðarinnar Beint úr sjó í Reykjanesbæ í u.þ.b. fjögur ár frá 2015 og núna rek ég ásamt öðrum fyrirtækið Reykjavík Asian sem framleiðir sushi og tilbúna rétti með asísku ívafi. Þessar vörur eru seldar um allt land. Einnig erum við með veisluþjónustu. Það má því óhikað segja að ég hafi lengi verið í þessu svokallaða Bláa hagkerfi,“
Bjarni Geir Lúðvíksson
-
![]()
„Ég starfaði sem flugmaður hjá Wow Air og var í hópi þeirra sem misstu vinnuna þegar flugfélagið hætti starfsemi snemma árs 2019. Í kjölfarið fékk ég starf á skrifstofu Air Atlanta og til stóð að ég færi að fljúga hjá því félagi en af því varð ekki og covid heimsfaraldurinn gerði það að verkum að ég missti vinnuna. Til þess að hafa eitthvað fyrir stafni fór ég að leita fyrir mér á netinu og rakst þá á kynningu á Sjávarakademíunni, samstarfsverkefni Fisktækniskólans og Íslenska sjávarklasans. Mér fannst það áhugavert, sótti um og var í náminu frá september til desember 2020,
Laufey Mjöll Helgadóttir
