GÆÐASTJÓRNUN

Gæðastjórnun 2024

Fisktækniskóli Íslands býður hagnýtt og spennandi nám í Gæðastjórnun sem er sérsniðið að fiskvinnslu og/eða annarri matvælavinnslu. Þetta er áttunda skipti sem námið er í boði og nemendur sem hafa lokið náminu hafa verið eftirsóttir í störf við gæðastjórnun. Í starfi gæðastjóra felst umsjón með uppbyggingu, rekstri og þróun gæðakerfis og ábyrgð á að gæðakerfið sé samofið starfsemi fyrirtækisins.

Nám hefst janúar 2025 og líkur desember 2025

Nám fyrir næsta hóp byrjar janúar 2025
Nemendastundir 540 á önn
Verð 45.000 pr. önn

Námsbrautalýsing og skipulag

Námið hentar fólki sem er í starfandi í matvælavinnslu og skipulagt með þarfir atvinnulífs í huga og að mestu kennt utan vinnutíma. Kennsla fer fram í dreifinámi og nær yfir tvær annir með átta staðarlotum hvora önn, heildarfjöldi eininga er 60 einingar 

Vorönn

Á vorönninni fer bóklegi hlutinn að mestu fram í Fisktækniskólanum, en einnig verður verklegt nám í skólanum, fyrirtækjum í nágrenninu og rannsóknastofum. Á önninni er farið í heimsóknir í fyrirtæki og verkefni unnin. Stærsti og umfangsmesti áfanginn á vorönn er Gæðastjórnun 1 en eftirfarandi fög eru kennd:

• Gæðastjórnun 1

• Örverufræði

• Tölfræði

• Lög og reglugerð í matvælaiðnaði

• Enska fyrir matvælaiðnað

Haustönn

Á haustönninni halda nemendur áfram að vinna með það sem þeir lærðu á vorönninni. Stærsti og umfangsmesti áfanginn á haustönn er Gæðastjórnun 2 en eftirfarandi fög eru kennd:

• Gæðastjórnun 2

• Líffærafræði Fiska/Fiskur sem hráefni/skynmat

• Skjalastjórnun/Verkefnastjórnun

• Stjórnun

• Merkingar matvæla

 Námið er þróað í samstarfi við atvinnulífið

Með vaxandi samkeppni og auknum kröfum um gæði og rekjanleika matvöru er lykilatriði fyrir fyrirtæki að hafa innan sinna raða vel þjálfað starfsfólk með faglega þekkingu á gæðastjórnun og þeim ferlum og vottunum sem hún felur í sér

Frekari upplýsingar um námið gefur Klemenz Sæmundsson, klemenz@fiskt.is