Fleiri norskir gestir á ferð

Fisktækniskólinn fékk skemmtilega heimsókn í hádeginu í gær þegar 16 manna hópur frá Landbúnaðarskólanum Kleiva í norður Noregi kíkti við. Þetta er hópur sem stundar nám í fiskeldi og þar sem Fisktækniskólinn býður uppá nám í Fiskeldistækni þá var upplagt að hittast og kynnast.

Krakkarnir, ásamt kennara fengu íslenskar veitingar, -kleinur og hraunbita til að smakka og komu á móti færandi hendi með smakkprufur af tveimur kryddpylsum sem við erum spennt að smakka. Önnur er unnin úr elg og hin úr hval.